رسول اکرم صلی اللہ علیہ و آلہ وسلم نے فرمایا : نَظَرتُ مِنَ الجَنَّةِ فَإِذا فیها عَبدٌ لَم یعمَل مِنَ الخَیرِ شَیئاً، فَقُلتُ: فی ما شَکرَ اللّهُ لِهذَا العَبدِ حَتّی أدخَلَهُ الجَنَّةَ؟ فَقیلَ: یا مُحَمَّدُ، إنَّ هذا کانَ یرفَعُ الأَذی عَن طَریقِ المُسلِمینَ یریدُ بِهِ وَجهَ اللّهِ، فَشَکرَ اللّهُ ذلِک لَهُ وأَدخَلَهُ الجَنَّةَ
میں نے جنت میں ایک شخص کو دیکھا جس کا نامہ اعمال عبادات اور نیکیوں سے خالی تھا ۔ میں نے پوچھا : اللہ تعالی نے کس چیز کی قدردانی کرتے ہوئے اسے جنت عطا کی ہے ؟
کہا گیا : اے محمد! یہ شخص اللہ کی رضا کی خاطر مسلمانوں کے راستوں سے ہر تکلیف دینے والی یا نقصان پہنچانے والی چیز کو ہٹا دیتا تھا پس اللہ تعالی نے بھی (اس کے خلوص نیت سے انجام دئیے گئے ) اسی کام کی وجہ سے اسے جنت عطا کر دی ہے (یعنی کوئی بھی نیکی چھوٹی نہیں ہوتی بس اللہ کی رضا شامل ہو اور اس کی رضا کی خاطر انسان انجام دے دے)
امام جعفر صادق علیہ السلام نے فرمایا :
لَقَد كانَ عَليُّ بنُ الحُسَينِ عليهماالسلام يَمُرُّ عَلَى المَدَرَةِ في وَسَطِ الطَّريِقِ فَيَنزِلُ عَن دابَّتِهِ حَتّى يُنَحِّيَها بِيَدِهِ عَنِ الطَّريقِ_
امام سجاد علیہ السلام جب بھی راستےمیں پتھر دیکھتے تو اپنی سواری سے اتر کر اپنے ہاتھ سے اسے راستے سے ہٹا دیتے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دانشنامہ قرآن و حدیث396/14 بحارالانوار50/75